NDA-க்கு ஆதரவாக தமிழகத்தில் தேர்தல் பிரச்சாரத்தில் களமிறங்கும் பவன் கல்யாண்
அதிமுக தலைமையிலான தேசிய ஜனநாயக கூட்டணிக்கு ஆதரவாக பொதுக்கூட்டங்களில் பேச பாஜக திட்டம்
சென்னை:
தமிழக அரசியல் களத்தில் முக்கிய திருப்பமாக, ஆந்திர மாநில துணை முதல்வரும் ஜனசேனா கட்சியின் தலைவருமான , வரவிருக்கும் தமிழக சட்டப்பேரவை தேர்தலை முன்னிட்டு, அதிமுக தலைமையிலான தேசிய ஜனநாயக கூட்டணிக்கு (NDA) ஆதரவாக தேர்தல் பிரச்சாரத்தில் ஈடுபட உள்ளதாக தகவல்கள் தெரிவிக்கின்றன.
RelatedPosts
தேமுதிக, திமுக கூட்டணியில் இணைந்துள்ள சூழலில், தமிழகத்தில் கணிசமாக உள்ள தெலுங்கு சமூக வாக்காளர்களின் ஆதரவு திமுக-தேமுதிக கூட்டணிக்குச் செல்லக்கூடும் என்ற அரசியல் மதிப்பீட்டின் பின்னணியில், அந்த வாக்குகளை ஈடுகட்டும் நோக்கில் இந்த திட்டம் வகுக்கப்பட்டுள்ளதாக கூறப்படுகிறது. இதன் ஒரு பகுதியாக, பவன் கல்யாணை தமிழகத்தின் பல்வேறு மாவட்டங்களில் நடைபெறும் பொதுக்கூட்டங்களில் பேச அழைத்து வர திட்டமிட்டுள்ளதாக அரசியல் வட்டாரங்கள் தெரிவிக்கின்றன.
ஜனசேனா கட்சியின் நிறுவனர் தலைவர் மற்றும் ஆந்திர அரசியலில் முக்கியமான சக்தியாக உருவெடுத்துள்ள பவன் கல்யாண், சமீபத்திய மக்களவைத் தேர்தலுக்குப் பின் ஆந்திர அரசியலில் துணை முதல்வராக பதவியேற்றுள்ளார். அவரது அரசியல் நிலைப்பாடுகளும், தேசிய ஜனநாயக கூட்டணியுடன் கொண்டுள்ள நெருக்கமும், தமிழக அரசியல் களத்தில் கவனிக்கத்தக்க தாக்கத்தை ஏற்படுத்தும் என கணிக்கப்படுகிறது.
அதிமுக தலைமையிலான கூட்டணியில், தேசிய அளவில் முக்கிய பங்கு வகித்து வரும் நிலையில், பவன் கல்யாணின் பிரச்சார பங்கேற்பு, குறிப்பாக நகர்ப்புற மற்றும் தெலுங்கு பேசும் வாக்காளர்களிடையே அரசியல் விவாதத்தை தீவிரப்படுத்தும் என எதிர்பார்க்கப்படுகிறது.
இந்நிலையில், திமுக தலைமையிலான எதிரணி கூட்டணியும், தேமுதிக உடன் இணைந்ததன் மூலம் புதிய அரசியல் சமன்பாடுகளை உருவாக்கியுள்ளது. இந்தப் பின்னணியில், பவன் கல்யாணின் தமிழக வருகை மற்றும் அவரது பிரச்சார உரைகள், வரவிருக்கும் சட்டப்பேரவைத் தேர்தலில் எந்த அளவுக்கு வாக்குச் சாயலை மாற்றும் என்பது அரசியல் பார்வையாளர்களால் கூர்ந்து கவனிக்கப்படுகிறது.
