தமிழ்நாட்டு எழுத்தாளருக்கு தேசிய அங்கீகாரம்: முதல்முறையாக ‘Golden Book Awards’ விருது!
சென்னை: தமிழ்நாட்டைச் சேர்ந்த புகழ்பெற்ற எழுத்தாளரும் கவிஞருமான சமரன் அவர்களுக்கு, அவரது ஆங்கில நூலான *A Spiritual Nexus – GUT* புத்தகத்திற்கு ‘Golden Book Awards – Promising Pen’ விருது வழங்கப்பட்டுள்ளது. இது ஒரு தமிழ்நாட்டு எழுத்தாளருக்கு இந்த உயரிய விருது கிடைத்த முதல்முறை என்பது குறிப்பிடத்தக்கது.
RelatedPosts
இந்த விருது ஏற்கனவே உலகப் புகழ்பெற்ற எழுத்தாளர்களான ஹாரி பாட்டர் தொடரின் ஆசிரியை *ஜே.கே. ரௌலிங்*, ஆன்மீக பேச்சாளர் *கௌர் கோபால் தாஸ்*, தன்னம்பிக்கை வல்லுநர் *தீபக் சோப்ரா* உள்ளிட்டோருக்கு வழங்கப்பட்டுள்ளது. இவர்களுடன் தற்போது சமரன் இடம்பிடித்திருப்பது, தமிழ் இலக்கிய உலகிற்கு பெருமை சேர்க்கும் சாதனையாகும்.
ஆன்மீகமும் அறிவியலும் இணைந்த தனித்துவமான படைப்பு
சமரன் எழுதிய *A Spiritual Nexus – GUT* நூல், மனித உடலில் ஆன்மீகத்தின் ஆணிவேராக விளங்கும் ‘குட்’ (Gut) பகுதியை அறிவியல் கண்ணோட்டத்தில் ஆழமாக ஆராய்கிறது. உலக அளவில் முதல்முறையாக, மனித உடலில் அறிவியலும் ஆன்மீகமும் ஒருங்கிணையும் தனித்துவமான இடத்தை விவாதிக்கும் இந்தப் புத்தகம், ஆன்மீகப் பயணத்தையும் அறிவியல் உண்மைகளையும் இணைத்து வழங்குகிறது.
குறிப்பாக, Gut Health குறித்து ஆன்மீக ரீதியில் வெளிவந்த உலகின் முதல் புத்தகம் இதுவே என்பது இந்நூலின் சிறப்பம்சம். மனிதர்களின் எதிர்கால சவால்களை எதிர்கொள்ளும் வழிகாட்டியாக இப்புத்தகம் திகழ்கிறது.
தமிழ் இலக்கியத்திற்கு புதிய உயரம்
தமிழ்நாட்டில் இருந்து உருவான இப்படைப்பு, உலகளாவிய அங்கீகாரத்தைப் பெற்றிருப்பது தமிழ் எழுத்தாளர்களுக்கு ஊக்கமளிக்கும் நிகழ்வு. சமரன் அவர்களின் இந்த சாதனை, தமிழ் இலக்கியத்தை உலக அரங்கில் மேலும் உயர்த்தியுள்ளது.
