ஜனநாயகன் பதிப்பகத்தின் முதல் வெளியீடு:
சமரனின் 9-வது நூல் “பெற்றோர்கள் ஆசிரியர்கள் மற்றும் அரசின் கவனத்திற்கு” விரைவில் வெளியீடு
RelatedPosts
தேசிய அங்கீகாரம் பெற்ற எழுத்தாளர் மற்றும் ஊடகவியலாளர் சமரன் அவர்களின் புதிய முயற்சியாக தொடங்கப்பட்டுள்ள “ஜனநாயகன் பதிப்பகம்”, தனது முதல் நூலாகவே சமூகப் பொறுப்புணர்வுடன் கூடிய ஒரு முக்கியமான படைப்பை வெளியிட தயாராக உள்ளது.
சமரனின் ஒன்பதாவது புத்தகமாக உருவாகியுள்ள இந்த நூல்,
“பெற்றோர்கள் ஆசிரியர்கள் மற்றும் அரசின் கவனத்திற்கு” என்ற தலைப்பில், விரைவில் வெளிவர உள்ளது.
மூன்று வயது குழந்தைகள் முதல் டீன் ஏஜ் வயது வரையிலான சிறார்களிடம்
தொலைபேசி மற்றும் டிஜிட்டல் சாதனங்களின் அதிகப்படியான பயன்பாடு
எவ்வாறு உடல் ரீதியான மற்றும் உளவியல் ரீதியான பாதிப்புகளை உருவாக்குகிறது என்பதைக் குறித்து,
உலகின் பல நாடுகளில் மேற்கொள்ளப்பட்ட ஆய்வுகள், புள்ளிவிவரங்கள் மற்றும் அறிவியல் தரவுகளின் அடிப்படையில் இந்த நூல் உருவாக்கப்பட்டுள்ளது.
குழந்தைகளின் கவனம் சிதைவு, தூக்கக் குறைவு, மனஅழுத்தம், சமூக உறவுகளின் வீழ்ச்சி, கற்றல் திறன் குறைவு போன்ற பிரச்சினைகள் இன்று உலகளாவிய விவாதமாக மாறி வரும் நிலையில்,
அந்த அபாயங்களை தெளிவாகவும் ஆதாரப்பூர்வமாகவும் இந்த நூல் எடுத்துரைக்கிறது.
புத்தகத்தின் தலைப்பிற்கேற்ப,
பெற்றோர்கள், ஆசிரியர்கள் மட்டுமல்லாமல்
அரசும் இந்த பிரச்சினையை தீவிரமாக கவனத்தில் எடுத்துக் கொள்ள வேண்டும் என்பதே இந்த நூலின் மைய நோக்கமாக அமைந்துள்ளது.
சமூக பொறுப்புணர்வுடன் எழுதப்பட்ட இந்த நூல்,
கல்வி துறையினர், பெற்றோர் சங்கங்கள், சமூக ஆர்வலர்கள் மற்றும் கொள்கை நிர்ணயாளர்களிடையே முக்கியமான விவாதத்தை ஏற்படுத்தும் என எதிர்பார்க்கப்படுகிறது.
இந்த புத்தகத்தை வாங்க விருப்பம் உள்ளவர்கள்
93448 13663 என்ற தொலைபேசி எண்ணில் தொடர்பு கொள்ளலாம்.
