ஆளுநர் மாளிகை இனி ‘மக்கள் பவன்’ – மத்திய அரசு அதிகாரப்பூர்வ அறிவிப்பு
புது தில்லி: நாடு முழுவதும் உள்ள அனைத்து மாநிலங்களின் ஆளுநர் மாளிகைகள் இனி “மக்கள் பவன்” என அதிகாரப்பூர்வமாக அழைக்கப்படும் என்று மத்திய உள்துறை அமைச்சகம் இன்று (30 நவம்பர் 2025) அறிவித்துள்ளது.
RelatedPosts
காலனியாதிக்க காலத்து “ராஜ் பவன்” என்ற பெயருக்குப் பதிலாக, மக்கள் ஜனநாயகத்தைப் பிரதிபலிக்கும் வகையில் புதிய பெயரை அமல்படுத்த வேண்டும் என்று தமிழ்நாடு ஆளுநர் ஆர்.என். ரவி கடந்த ஆண்டு மத்திய அரசுக்கு பரிந்துரை செய்திருந்தார். அந்தப் பரிந்துரையை ஏற்று, அனைத்து மாநில ஆளுநர் இல்லங்களுக்கும் ஒரே சீரான பெயராக “மக்கள் பவன்” எனப் பெயர் மாற்றம் செய்ய மத்திய அமைச்சரவைக் குழு ஒப்புதல் அளித்துள்ளது.
மத்திய உள்துறை இணையமைச்சர் நித்யானந்த் ராய் வெளியிட்டுள்ள அதிகாரப்பூர்வ அறிக்கையில், “காலனிய சின்னங்களை நீக்கி, மக்களாட்சி மாண்பை உயர்த்தும் வகையில் இந்தப் பெயர் மாற்றம் செய்யப்படுகிறது. இந்தியாவின் இறையாண்மைக்கு ஏற்ப, ஆளுநர் இல்லங்கள் இனி ‘மக்கள் பவன்’ என அழைக்கப்படும்” என்று தெரிவிக்கப்பட்டுள்ளது.
இதன்படி, சென்னை கிண்டி ராஜ்பவன், கொல்கத்தா ராஜ்பவன், மும்பை ராஜ்பவன் உள்ளிட்ட அனைத்து மாநில ஆளுநர் இல்லங்களிலும் புதிய பெயர்ப் பலகைகள் விரைவில் பொருத்தப்பட உள்ளன. ஏற்கெவே தெலங்கானா, ஆந்திரப் பிரதேசம் ஆகளில் “ராஜ் பவன்” என்பதற்குப் பதிலாக “மக்கள் பவன்” என்றே அழைக்கப்பட்டு வருவது குறிப்பிடத்தக்கது.
ஆளுநர் ஆர்.என். ரவி இந்த அறிவிப்புக்கு நன்றி தெரிவித்துள்ளார். “மக்களின் அரண்மனையாக ஆளுநர் மாளிகை மாற வேண்டும் என்பதே எனது நீண்ட நாள் விருப்பம். மத்திய அரசு இதனை நிறைவேற்றியுள்ளது பெருமகிழ்ச்சி அளிக்கிறது” என்று அவர் கூறியுள்ளார்.
இந்தப் பெயர் மாற்றம் உடனடியாக அமலுக்கு வருவதாகவும், அதற்கான அரசிதழ் அறிவிக்கை விரைவில் வெளியிடப்படும் என்றும் மத்திய அரசு தரப்பில் தெரிவிக்கப்பட்டுள்ளது.
