காவலன் விசாரணையில் ஒப்புக்கொண்டதைப் இந்த தொகுப்பில் பார்க்கலாம் …
RelatedPosts
சென்னை தாம்பரத்தில் உள்ள அரசு சேவை இல்லத்தில் தங்கியிருந்த 13 வயது சிறுமி பாலியல் தொல்லைக்கு ஆளானது பெரும் அதிர்ச்சி ஏற்பட்டுள்ளது. இந்தச் சம்பவம் குறித்து போலீசார் தீவிர விசாரணை மேற்கொண்டு வருகின்றனர்.
அரசு சமூக நலத்துறையின் கட்டுப்பாட்டில் இயங்கும் இந்த இல்லத்தில் பெற்றோர் ஆதரவு இல்லாத மற்றும் பாதுகாப்பு தேவைப்படும் குழந்தைகள் தங்க வைக்கப்படுகின்றனர். இந்நிலையில், அந்த சிறுமி மன அழுத்தத்துடன் காணப்பட்டதையடுத்து அதிகாரிகள் ஆலோசனை நடத்தி விசாரணை மேற்கொண்டனர்.
விசாரணையின் போது, சிறுமி தாம்பரத்தில் உள்ள அரசு சேவை இல்ல காவலாளியான மாத்யூ என்பவரால் பாலியல் தொல்லைக்கு ஆளானதாக கூறியதாக தெரியவந்தது. இதனையடுத்து போலீசார் அந்த காவலரிடம் விசாரணை நடத்த, அவர் குற்றத்தை ஒப்புக்கொண்டதாக தகவல்கள் வெளியாகியுள்ளன. அவரை போலீசார் கைது செய்துள்ளனர்.
இந்த சம்பவம் நடந்த அன்று அந்த இல்லத்தின் வார்டன் விடுமுறையில் இருந்ததாக கூறப்படுகிறது. காவலாளியான மாத்யூவின் நடத்தை குறித்து மற்ற மாணவிகளிடமும் தற்போது விசாரணை நடைபெற்று வருகிறது. எனினும், “வாட்ச்மேன் நல்லவர்” என மற்ற மாணவிகள் தெரிவித்துள்ளதாக அதிகாரிகள் கூறுகின்றனர்.
சிறுமிக்கு தற்போதும் மருத்துவமனையில் சிகிச்சை அளிக்கப்படுகிறது. அவரது காலில் எலும்பு முறிவு ஏற்பட்டுள்ளதாகவும், தேவையான சிகிச்சை வழங்கப்பட்டு வருவதாகவும் சமூக நலத்துறை அமைச்சர் மா. கீதாஜீவன் தெரிவித்துள்ளார்.
இந்த சம்பவத்தையடுத்து, அரசு ஒரு முக்கியமான முடிவை எடுத்துள்ளது. பெண்களுக்கான அனைத்து அரசு இல்லங்களிலும் இனிமேல் பெண் பாதுகாவலர்களையே மட்டுமே நியமிக்க வேண்டும் என அரசு உத்தரவிட்டுள்ளது. தாம்பர அரசு இல்லத்திலும் தற்போது 3 பெண் பாதுகாவலர்களை உடனடியாக பணியில் அமர்த்தும் வகையில் அதிகாரிகள் அறிவுறுத்தியுள்ளனர்.
சம்பவம் தொடர்பான முழுமையான விசாரணை தொடர்ந்து நடைபெற்று வருகிறது. மாநில குழந்தைகள் பாதுகாப்பு ஆணையம் விரைவில் இந்த சம்பவம் குறித்து அறிக்கை வெளியிடும் என எதிர்பார்க்கப்படுகிறது.
இந்த நிகழ்வு, குழந்தைகள் பாதுகாப்பு குறித்து கடுமையான நடவடிக்கைகள் எடுக்க வேண்டிய அவசியத்தையும், அரசு இல்லங்களில் கண்காணிப்பு மற்றும் நெறிமுறைகளை மேலும் வலுப்படுத்த வேண்டிய தேவையையும் வலியுறுத்துகிறது.
